Belarusdakı Azərbaycan icması ölkənin rəsmi dairələrinə müraciət edib

Belarusdakı Azərbaycan icması ölkənin rəsmi dairələrinə müraciət edib
  • Clock-gray 10:31
  • calendar-gray 05 Oktyabr 2020

Belarusda yaşayan azərbaycanlılar Ermənistan silahlı qüvvələrini işğal etdiyi Azərbaycan torpaqlarından geri çəkilməyə çağırıb və bununla bağlı rəsmi İrəvana təsir göstərməsi üçün Belarusun dövlət qurumlarına - Nazirlər Kabinetinə, Parlamentə, Xarici İşlər Nazirliyinə bəyanat ünvanlayıb. 

Diasporla İş üzrə Dövlət Komitəsindən APA-ya verilən məluamata görə, Belarusun Azərbaycan İcmaları Konqresi adından yayılan bəyanatda deyilib:

“Ermənistanın işğal etdiyi Azərbaycan torpaqlarında son təxribat əməllərindən sonra bölgədə vəziyyət gərginləşib və hərbi əməliyyatlar başlayıb. Nəticədə hər gün onlarla dinc sakin həlak olur və yaralanır, yaşayış məntəqələri dağıdılır, evlərə ziyan dəyir”.

Minsk və digər şəhərlərdə yaşayan soydaşlarımızın adından yayılmış bəyanatda Belarusun Azərbaycanın ərazi bütövlüyünü dəstəklədiyinə, münaqişənin həlli ilə bağlı rəsmi Bakının mövqeyini müdafiə etdiyinə görə minnədarlıq edilir. Eyni zamanda, bəyanatda Ermənistan hökumətinə işğalçı siyasətini dayandırması və işğal edilmiş Azərbaycan ərazilərini dərhal tərk etməsi üçün təsir göstərməyə, Ermənistan hökumətini beynəlxalq hüquq və normala riayət etməyə çağırış edilir.

Əsmər Qabil

Digər xəbərlər