Mənəvi Dəyərlərin Təbliği Fondu tərəfindən 37 dini icmaya maddi yardım göstərilir.
Bunu APA-ya açıqlamasında Fondun icraçı direktoru Mehman İsmayılov bildirib.
Onun sözlərinə görə, həmin dini icmalar maddi yardımlar aldıqdan sonra dini, mənəvi sahə ilə bağlı müxtəlif tədbirlər həyata keçiriblər:
“İşğaldan azad olunmuş tarixi torpaqlara səfərlər təşkil olunub, orada müxtəlif bayramlar, anım tədbirləri keçirilib. Eyni zamanda, şəhidlərimizlə bağlı film çəkilib və ya kitab çap edilib”.