QMİ dini icmaların qeydiyyatı ilə bağlı ziddiyyətlərin aradan qaldırılmasını istəyir

QMİ dini icmaların qeydiyyatı ilə bağlı ziddiyyətlərin aradan qaldırılmasını istəyir
  • Clock-gray 10:05
  • calendar-gray 29 İyun 2018

Qafqaz Müsəlmanları İdarəsi (QMİ) müxtəlif qanunvericilik aktlarında dini icmaların qeydiyyatı ilə bağlı ziddiyyətli məqamların aradan qaldırılmasını istəyir.
 
APA-nın məlumatına görə, Dini Qurumlarla İş üzrə Dövlət Komitəsinin (DQİDK) təşkilatçılığı ilə “Dövlət-din münasibətlərinin hüquqi bazası” mövzusunda keçirilən respublika müşavirəsində çıxış edən Qafqaz Müsəlmanları İdarəsinin (QMİ) aparat rəhbəri Simran Həsənov bildirib ki, dini icmaların qeydiyyatı ciddi problemdir: "Dini icmaların qeydiyyatı ilə bağlı qanunvericilikdə müəyyən ziddiyyətli məqamlar var. Bunların hamısına aydınlıq gətirilməlidir. Dini icmaların nümunəvi Nizamnaməsi də yenilənməlidir və yeni sənəddə din xadimi və dini icma sədrinin hüquq və vəzifələri dəqiq göstərilməlidir.  Bunlar konkretləşdirilməlidir. Bu Nizamnamənin hazırlanmasına Qafqaz Müsəlmanları İdarəsi də kömək edə bilər”.

Ramiz Mikayıloğlu

Digər xəbərlər

Arxiv

date