“Qremio”nun yarımmüdafiəçisi Duqlas Kosta yenidən Avropada oynamağa hazırlaşır.
Apasport.az saytının məlumatına görə, “Qalatasaray” ulduz futbolçunu heyətinə cəlb etmək niyyətindədir.
Braziliya klubunda icarə əsasında çıxış edən “sambaçı” müqavilə ilə “Yuventus”a məxsusdur. “Qremio” yüksək liqanı tərk etdiyindən, komandadan ayrılmaq qərarına gələn 31 yaşlı oyunçunu “cim-bom” yanvarda icarəyə götürməyi planlaşdırır. Klublar arasında anlaşma əldə olunarsa, İstanbul nəhəngi onu birdəfəlik transfer etmək şərtilə 6 aylıq icarəyə götürəcək.
Qeyd edək ki, Duqlas Kostanın “Yuventus”la müqavilə müddəti 2023-cü ilin yayına qədərdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
