Azərbaycan Futbol Federasiyaları Assosiasiyası (AFFA) AVRO-2020-nin 4 müvafiq oyununun 2021-ci ildə Bakı Olimpiya Stadionunda keçirilməsi ilə bağlı rəsmi razılığını UEFA-ya bildirib.
Apasport.az xəbər verir ki, bu barədə AFFA rəsmi saytı vasitəsilə məlumat yayıb.
Bildirilib ki, məsələ ilə əlaqədar əlavə müvafiq hüquqi sənədlər aprelin 30-dək UEFA-ya göndəriləcək.
UEFA İcraiyyə Komitəsinin bu il martın 17-də keçirilmiş iclasında COVİD-19 pandemiyası ilə əlaqədar AVRO-2020 turnirinin gələn il keçirilməsi barədə qərar qəbul edilib.
Buna qədər 5 şəhər - Buxarest (Rumıniya), Kopenhagen (Danimarka), Dublin (İrlandiya), London (İngiltərə) və Münhen (Almaniya) AVRO-2020-nin final mərhələsinin oyunlarını bir ildən sonra qəbul etməyə hazır olduğunu təsdiqləyib.
Qeyd edək ki, Bakı Olimpiya Stadionunda AVRO-2020-nin A qrupunun 3 oyunu, 1/4 final mərhələsinin isə 1 qarşılaşması keçiriləcək. A qrupunun Bakıda təşkil olunacaq görüşlərində Türkiyə, İsveçrə və Uels milliləri mübarizə aparacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
