Futbol

Ana səhifə

Futbol

“Bavariya” bu il 5-ci titulunu qazanıb

01 oktyabr 2020 00:26 (UTC +04:00)

Almaniya Superkubokunun qalibi müəyyənləşib.

Apasport.az saytının məlumatına görə, həlledici oyun Münhenin “Alyans Arena” stadionunda baş tutub.

2019/20 mövsümündə ölkə çempionu və kubokun qalibi olan “Bavariya” Bundesliqanın gümüş mükafatçısı Dortmund “Borussiya”sı ilə üz-üzə gəlib. 2020-ci ildə oynadığı bütün turnirlərin qalibi olan Hans-Diter Flikin yetirmələri iki top üstünlüyü qazansa da, dortmundlular hesabda tarazlıq yaratmağa müvəffəq olub.

Münhen təmsilçisi qarşılaşmanın taleyini oyunun sonlarında həll edib. Coşua Kimmixin qolu sayəsində “Bavariya” meydandan qələbə ilə ayrılıb.

Bu, komandanın il ərzində 5-ci tituludur. Avropada Çempionlar Liqası və Superkuboka yiyələnən “Bavariya” Almaniyada çempionluqla kubokun ardından Superkubokun qalibi adını qazanıb.

Qeyd edək ki, “Bavariya” tarixində 8-ci dəfə Almaniya Superkubokuna sahib çıxıb.

Almaniya Superkuboku
30 sentyabr
“Bavariya” – “Borussiya” D – 3:2
Tolisso, 18, Müller, 32, Kimmix, 82 – Brandt, 39, Haland, 55