Lüksemburqlu futbolçu: “Azərbaycana qarşı oynamaq çətin olacaq” - MÜSAHİBƏ

Lüksemburqlu futbolçu: “Azərbaycana qarşı oynamaq çətin olacaq” - MÜSAHİBƏ
  • Clock-gray 13:42
  • calendar-gray 12 Mart 2020

Lüksemburq yığmasının futbolçusu Antoni Morisin apasport.az-a müsahibəsi

- Lüksemburq Millətlər Liqasında Kipr, Monteneqro və Azərbaycanla eyni qrupda mübarizə aparacaq. Püşkatmanı komandanız üçün uğurlu hesab edirsiz?
- Məncə, yaxşı qrupdur. Bütün komandalar özünə görə güclüdür. Hər halda, qrupda yaxşı oyunların gedəcəyini düşünürəm.

- Azərbaycan yığması haqda hər hansı məlumatınız var? 
- Düzünü desəm, Azərbaycan millisi haqda hansısa məlumatım yoxdur. Sadəcə son nəticələrinə baxmışam. Buna əsasən son illərdə inkişafda olduğunu deyə bilərəm. 

- Maraqlıdır, nəticələrə baxarkən, hansı oyun daha çox diqqətinizi çəkdi?
- AVRO-2020-nin seçmə mərhələsində Xorvatiya yığması ilə 1:1 hesabı ilə başa çatan matç.

- Bəs Azərbaycan millisini Lüksemburq üçün güclü, yoxsa zəif rəqib sayırsız?
- Əlbəttə ki, Azərbaycan yaxşı komandadır. Son dünya ikincisi Xorvatiya ilə 1:1 oynamış komandadır. Bu da onu göstərir ki, Azərbaycan millisinin səviyyəsi, keyfiyyəti var. Qrupda mübarizə aparan hər bir komanda üçün yığmanıza qarşı oynamaq çətin olacaq. Burada biz də istisna deyilik. 

- Belə olan halda Azərbaycanı qrupun favoriti hesab edirsiz?
- Xeyr, fikrimcə qrupumuzun favoriti Monteneqro millisidir. Çünki onların heyətində çox güclü, yaxşı klublarda oynayan, təcrübəsi futbolçular var. Amma Azərbaycan yığması da keyfiyyətli komandadır və onlara qarşı heç də asan olmayacaq.  

- Azərbaycanlı futbolçular və ya klublardan necə tanıdığınız var?
- Bakı komandası haqda məlumatım var. Orada vaxtilə Emil Mpenza oynayıb. Amma klubun adını dəqiq bilmirəm (“Neftçi”ni nəzərdə tutur - red). Azərbaycanla bağlı bildiyim yeganə məlumat budur. 

- Lüksemburqla əvvəlki görüşlərdə Azərbaycan millisi iki dəfə heç-heçə edib, bir dəfə qalib gəlib. Yığmanın qapıçısı kimi, növbəti qarşılaşmalarla bağlı hansı proqnozu verərdiz? 
- Bu, bir qədər çətindir. Amma oyunların çətin keçəcəyini fikrimdə qalıram. Çünki hər iki komanda uğurlu nəticə üçün oynayacaq. Hansı hesabın olmasını görüşlərdə görəcəyik.

ApaSport

Digər xəbərlər