“Qarabağ” Çempionlar Liqasının III təsnifat mərhələsində səpələnmişlər səbətində yer alacaq

“Qarabağ” Çempionlar Liqasının III təsnifat mərhələsində səpələnmişlər səbətində yer alacaq
  • Clock-gray 23:22
  • calendar-gray 26 Avqust 2020

“Qarabağ” Çempionlar Liqasının III təsnifat mərhələsinin püşkatması zamanı səpələnmişlər səbətində yer alacaq.

Apasport.az saytının məlumatına görə, buna səbəb II təsnifat mərhələsinin az öncə başa çatan “Lüdoqorets” (Bolqarıstan) – “Midtülland” (Danimarka) görüşünün nəticəsidir.

Bu qarşılaşmada qonaqların 1:0 hesabı ilə qalib gəlməsi Azərbaycan çempionu üçün münasib nəticə olub. Bolqarıstan klubunun uduzması Moldova “Şerif”inə 2:1 hesabı ilə qalib gələn “Qarabağ”ı səpələnməmişlər deyil, səpələnmişlər səbətinə salıb.

Məsələ ondadır ki, avqustun 31-də keçiriləcək püşkatmada Çempionlar yolu üzrə mübarizə aparan 10 komanda reytinqinə əsasən səbətlərə bölünəcək. “Qarabağ” bu komandalar arasına düşə biləcək iddiaçılar sırasında 6-cı nəticəyə malik idi. Bu isə onları ikinci “beşliy”ə düşməsi ilə nəticələnəcəkdi. 

Daha reytinqli 5 komandadan birinin büdrəməsi Ağdam klubunu səpələnməmişlərdən, yəni güclü rəqiblə qarşılaşmaq riskindən qurtaracaqdı. “Lüdoqorets”in mübarizəni dayandırması “Qarabağ”ın güclülər səbətinə yolunu açıb.

ApaSport

Digər xəbərlər