“Qalatasaray” hücumçusu Radamel Falkao ilə yollarını ayırmağa yaxındır.
Apasport.az saytının Türkiyə mətbuatına istinadən məlumatına görə, Kolumbiya millisinin üzvü karyerasını ABŞ-da davam etdirməyə hazırlaşır.
İspaniyadakı müalicəsini başa vurduqdan sonra Türkiyəyə qayıdan və kollektivə qoşulan ulduz futbolçu MLS liqasında mübarizə aparan “Neşvill” klubu ilə ilkin razılığa gəlib. ABŞ-da “transfer pəncərəsi” fevralın 10-da açılacaq və Falkaonun keçidinin həmin gün açıqlanması gözlənilir. Bu səbəbdən 35 yaşlı forvard fevralın 6-da Türkiyə Super Liqasının XXIV turunda “Fənərbaxça” ilə keçiriləcək derbidə son dəfə meydanda olmaq arzusundadır.
Qeyd edək ki, Radamel Falkao “Qalatasaray”a 2019-cu ildə “Monako”dan keçib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
