Bakı-Qazax yolunda meyiti tapılan qadının öldürüldüyü məlum olub - YENİLƏNİB-1

Bakı-Qazax yolunda meyiti tapılan qadının öldürüldüyü məlum olub - YENİLƏNİB-1
  • Clock-gray 18:06
  • calendar-gray 30 İyul 2020

Hacıqabulda meyiti tapılan qadının qətlə yetirildiyi məlum olub.

Bu gün səhər saatlarında Bakı-Qazax magistralının 98-ci kilometrliyində Hacıqabul rayonunun Nəvahi kəndi ərazisindən keçən  hissəsində meyiti aşkar edilən Sabirabad rayonunun Cəngən kənd sakini, 1968-ci il təvəllüdlü Qubadlı Gülxar Tahir qızının öldürüldüyü məlum olub.

APA-nın Mil-Muğan bürosunun məlumatına görə, meyitin müayinəsi zamanı boyun nahiyəsində kəsilmiş-deşilmiş xəsarətlər aşkar edilib.

Araşdırmalar zamanı qətli törədən şəxsin Hacıqabul rayon sakini, 1988-ci il təvəllüdlü Fərəcov Hikmət Məhəmməd oğlu olduğu müəyyən edilib və o Bakı şəhərində saxlanılıb. Həmçinin adı çəkilən şəxsin Bakı şəhərində də bir nəfəri bıçaqla ağır yaraladığı bildirilir.

 

Faktla bağlı Hacıqabul Rayon Prokurorluğu tərəfindən cinayət işi başlanıb, istintaq tədbirləri davam etdirilir. 

***

saat 12:28

Hacıqabulda meyiti tapılan qadının kimliyi məlum olub.

APA-nın yerli bürosunun məlumatına görə, araşdırmalarla həmin şəxsin Cəngən kənd sakini, 1968-ci il təvəllüdlü Qubadlı Gülxar Tahir qızı olması müəyyən edilib. 

***

saat 11:17 

Bakı-Qazax magistralında qadın meyiti tapılıb.

APA-nın Mil-Muğan bürosunun məlumatına görə, Bakı-Qazax magistralının 105-ci kilometrliyində Hacıqabul rayonunun Nəvahi kəndi ərazisində 40-50 yaşlarında hələlik şəxsiyyəti məlum olmayan qadın meyiti aşkar edilib.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı  araşdırma aparılır. 

Əlibəy Zeynallı

Digər xəbərlər