Bakı şəhəri, Yasamal rayonu, Kazım Kazımzadə küçəsi 47 ünvanında 16 mərtəbəli yaşayış binasının 9-cu mərtəbəsində mənzildə baş verən yanğın Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
APA-nın məlumatına görə, bu barədə Fövqəladə Hallar Nazirliyi məlumat yayıb.
***
saat 10:52
Bakıda yaşayış binasında yanğın başlayıb.
APA-nın Fövqəladə Hallar Nazirliyində istinadən verdiyi xəbərə görə, Bakı şəhəri, Yasamal rayonu, Kazım Kazımzadə küçəsi 47 ünvanında 16 mərtəbəli yaşayış binasının 9-cu mərtəbəsində mənzildə yanğın olması barədə məlumat daxil olub.
Dərhal nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq canlı qüvvə və texnikası hadisə yerinə cəlb olunub.
APA-nın əldə etdiyi məlumata görə, Bakı sakini, 1955-ci il təvəllüdlü Səfərov Arzuman Mürşüd oğluna məxsus evin yanmasına eyvanda işlək vəziyyətdə olan soyuducunun alışması səbəb olub.
Yanğın zamanı xəsarət alan olmayıb.