Bakıda yaşayış kompleksinin avtomobil dayanacağında 114 mindən çox pirotexniki vasitə aşkarlanıb

Bakıda yaşayış kompleksinin avtomobil dayanacağında 114 mindən çox pirotexniki vasitə aşkarlanıb
  • Clock-gray 11:18
  • calendar-gray 13 Dekabr 2019

Dövlət Gömrük Komitəsi (DGK) Əməliyyat-İstintaq Baş İdarəsinin Əməliyyat İdarəsinə ölkəmizin gömrük ərazisinə qanunsuz yolla külli miqdarda pirotexniki vasitənin gətirilməsi barədə məlumat daxil olub.

DGK-dən APA-ya verilən məlumata görə, külli miqdarda pirotexniki vasitənin Azərbaycan vətəndaşı İlqar Məmmədov tərəfindən əldə edilməsi, Bakı şəhərinin Nizami rayonu, Özbəkistan küçəsi 1 ünvanında yerləşən "Yeni Ev" MTK yaşayış kompleksinə aid yeraltı avtomobil dayanacağında saxlanılması və daşınması bildirilib.

Bu məlumat əsasında əməliyyat qrupu yaradılıb və sözügedən ünvandakı yeraltı avtomobil dayanacağına baxış keçirilib. Baxış zamanı, dayanacaqda "Toyota Land Cruiser" markalı, 90-LS-860 nömrə nişanlı minik avtomobilinin durduğu və İlqar Məmmədovun 1 ədəd bağlamada olan pirotexniki məmulatı həmin nəqliyyat vasitəsinə yüklədiyi müəyyən edilib.

Daha sonra avtomobilə baxış zamanı nəqliyyat vasitəsinin arxa yük yerində olan 1 ədəd bağlamada 144 ədəd "8 Shots color shots" markalı pirotexniki vasitə aşkar edilib.

Dayanacaqda olan qutularda isə ümumilikdə 114 min 789 ədəd müxtəlif markalı pirotexniki vasitələr aşkar olunub.

Əcəmi Əsədulla

Digər xəbərlər

Arxiv

date