Goranboyda fərdi yaşayış evində güclü yanğın olub, ev sahibi ölüb, həyat yoldaşı xəsarət alıb - FOTO - YENİLƏNİB-2

Goranboyda fərdi yaşayış evində güclü yanğın olub, ev sahibi ölüb, həyat yoldaşı xəsarət alıb - FOTO - YENİLƏNİB-2
  • Clock-gray 10:10
  • calendar-gray 02 Dekabr 2020

Fövqəladə Hallar Nazirliyi Goranboyda baş vermiş yanğın barədə məlumat yayıb.

APA-nın xəbərində görə, məlumatda bildirilir ki, Goranboy rayonunun Kürəkçay qəsəbəsində (Goranboy Rayon Dövlət Yanğından Mühafizə Hissəsindən 20 km aralı) ümumi sahəsi 525 m² olan birmərtəbəli çoxmənzilli fin tipli yaşayış evində (arakəsmələri, tavanı və döşəməsi taxta konstruksiyalardan ibarət) ayrı-ayrı vətəndaşlara məxsus 5 mənzilin yanar konstruksiyaları və dam örtüyü 249 m² sahədə yanıb.

Yanğın zamanı yanğınsöndürənlər tərəfindən mənzil sahiblərindən biri, 1974-cü il təvəllüdlü Verdiyev Altay Paşa oğlunun yanmış meyiti aşkar edilib və aidiyyəti üzrə təhvil verilib, 1 nəfər yanıq xəsarətləri alıb.

Mənzillərin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

 

Hadisə ilə əlaqədar müvafiq qurumlar tərəfindən təhqiqat aparılır.

***

07.09

Goranboyun Kürəkçay qəsəbəsində fərdi yaşayış evində baş verən güclü yanğın söndürülüb.

APA-nın yerli bürosunun məlumatına görə, yanğın zamanı dünyasını dəyişən ev sahibi A. Verdiyevin həyat yoldaşı da yanıq xəsarətləri alaraq xəstəxanaya yerləşdirilib.

***

06:32

Goranboyun Kürəkçay qəsəbəsində baş verən güclü yanğın nəticəsində ev sahibi Altay Verdiyev yanaraq dünyasını dəyişib.

APA-nın yerli bürosunun məlumatına görə, A. Verdiyevin meyiti FHN-in əməkdaşları tərəfindən çıxarılaraq aidiyyəti üzrə təhvil verilib.

***

06:10

Goranboyda güclü yanğın baş verib.

APA-nın yerli bürosunun məlumatına görə, hadisə rayonun Kürəkçay qəsəbəsində qeydə alınıb.

Taxta materialdan inşa edilmiş yanan ev qəsəbə sakini, 1976-cı il təvəllüdlü Altay Verdiyevə məxsusdur. Dərhal hadisə yerinə FHN-in Goranboy rayonunun Yanğından Mühafizə Hissəsinin texnikası və canlı qüvvəsi cəlb olunub.

İlkin məlumata görə, ev sahibi içəridə qalıb. Ərazidə evlər bitişik olduğundan yanğın yaxınlıqdakı 3-4 evə də keçib. Hazırda yanğının söndürülməsi istiqamətində işlər davam edir.

Yanğının qaz sızmasından baş verdiyi bildirilib.

Fuad Nazimoğlu

Digər xəbərlər