Lənkəranda iki uşağın yanaraq ölməsi ilə bağlı cinayət işi başlanıb

Lənkəranda iki uşağın yanaraq ölməsi ilə bağlı cinayət işi başlanıb
  • Clock-gray 13:30
  • calendar-gray 11 Noyabr 2020

Bu gün səhər saat 5 radələrində Lənkəran şəhəri Səttərxan küçəsi 8 ünvanında yerləşən 3 otaqlı fərdi yaşayış evində yanğın baş verməsi nəticəsində 2019-cu il təvəllüdlü Quts Emil Cəsarət oğlu və 2014-cü il təvəllüdlü Quts Milana Aleksandrovna həlak olub, 2018-ci il təvəllüdlü Quts Artyom Aleksandroviç xəsarət alıb. 

Baş Prokurorluğun Mətbuat xidmətindən APA-ya verilən məlumata görə, faktla bağlı FHN-nin İstintaq-Əməliyyat idarəsində Cinayət Məcəlləsinin 225.3-cü (yanğın təhlükəsizliyi qaydalarını pozma - ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.  

FHN-nin əməkdaşları tərəfindən hadisə yerinə baxış keçirilmiş, yanğın-texniki ekspertizası və məhkəmə-tibb ekspertizası təyin edilməklə digər zəruri prosessual hərəkətlər yerinə yetirilmişdir. 

Hazırda cinayət işi üzrə zəruri istintaq tədbirləri davam etdirilir.

apa-logo-mini

Digər xəbərlər