Mingəçevirdə piyadanın vurulması ilə nəticələnən yol-nəqliyyat hadisəsi baş verib.
APA-nın yerli bürosunun məlumatına görə, hadisə şəhər Mərkəzi Xəstəxanasının yaxınlığında baş verib.
”VAZ 2115” markalı avtomobil 1950-ci il təvəllüdlü piyada Dadaşov Rövşən Sədi oğlunu vuraraq ona xəsarət yetirib. Qəzanı törədən sürücü yaralını yaxınlıqda yerləşən xəstəxanaya yerləşdirib.
Faktla bağlı araşdırma aparılır.