Siyəzən sakini qohumunu qətlə yetirib

Siyəzən sakini qohumunu qətlə yetirib
  • Clock-gray 11:32
  • calendar-gray 03 May 2021

Mayın 2-də Siyəzən rayonu, Zarat kəndində  Hüseynov Hüseyn Zülfüqar oğlunun bıçaqlanması nəticəsində aldığı xəsarətlərdən ölməsi barədə rayon prokurorluğuna məlumat daxil olub.

Siyəzən Rayon prokurorluğundan APA-ya verilən məlumata görə, aparılan araşdırmalarla zərərçəkənin qohumu Qabil Əliyevin şəxsi münasibətlər zəminində aralarında yaranan mübahisə zamanı bıçaqla Hüseyn Hüseynova xəsarətlər yetirməsi nəticəsində sonuncunun aldığı xəsarətlərdən xəstəxanada ölməsinə əsaslı şübhələr müəyyən edilib.

Faktla bağlı Siyəzən rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Qabil Əliyev şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq  davam etdirilir.

 

 

Sail Ağasəlim

Digər xəbərlər