Sumqayıtda ərazisində yol-nəqliyyat hadisəsi baş verib.
APA-nın yerli bürosunun məlumatına görə, 1987-ci il təvəllüdlü Əbilov Səxavət Məhyəddin oğlunun idarə etdiyi “KamAZ” markalı yük maşını “Stansiya Sumqayıt” adlanan ərazidə yoldan çıxaraq Samur-Abşeron kanalına aşıb.
Sürücü Qubadlı Rayon Polis Şöbəsinin əməkdaşları tərəfindən sıxışıb qaldığı kabinədən çıxarılıb. Sürücünün içkili olduğu və yük maşınını icarə əsasında idarə etdiyi bildirilir. Nəqliyyat vasitəsinə ciddi ziyan dəyib.
Faktla bağlı araşdırma aparılır.