"Azərbaycan Dəmir Yolları" QSC Sumqayıtda baş verən qatar qəzası ilə bağlı məlumat yayıb.
Qurumun mətbuat xidmətindən APA-ya verilən məlumatda bildirilib ki, bu gün saat 13:20 radələrində 10 çən vaqonu manevr teplovozu ilə Sumqayıt Çay Stansiyasına gətirilərkən qorunmayan dəmir yolu keçidindən keçməyə cəhd göstərən Maarif Valeh oğlu Lazımovun idarə etdiyi mikroavtobusla toqquşub: “Hadisə nəticəsində qatar tərtibatçısı Abdullayev Murtuz Aleksey oğlu dünyasını dəyişib. Hadisənin baş vermə səbəbi müvafiq orqanlar aidiyyəti üzrə araşdırılacaq və hüquqi qiymət verəcək”.
***
saat 15:25
Sumqayıtda yük qatarı ilə avtobus toqquşub.
APA xəbər verir ki, nizamlayıcı işləyən 1972-ci il təvəllüdlü Abdullayev Murtuz Aleksey oğlu qatarla avtobus arasında qalaraq ölüb.
Hadisə yerinə aidiyyəti qurumların əməkdaşları cəlb olunub.
Əlavə məlumat veriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
