Bakı-Quba yolunda piyadanın ölümü ilə nəticələnən yol-nəqliyyat hadisəsi baş verib.
APA-nın yerli bürosunun məlumatına görə, hadisə magistral yolun Xızı rayonundan keçən hissəsində qeydə alınıb.
Belə ki, həmin ərazidə yolu keçmək istəyən 1985-ci təvəllüdlü Eldarov Rövşən Vidadi oğlunu avtomobil vurub. Piyada aldığı xəsarətlərdən hadisə yerində dünyasını dəyişib.
Onun meyiti müayinə olunması üçün aidiyyəti üzrə təhvil verilib.
Faktla bağlı araşdırma aparılır.