Baş Prokurorluq Bakıda yaşayış binasının liftində yaranan nasazlıqla bağlı məlumat yayıb.
APA bu barədə Baş Prokurorluğun Mətbuat xidmətinə istinadən xəbər verir.
Belə ki, iyulun 4-ü paytaxtın Nərimanov rayonu, İzzəddin Həsənoğlu küçəsi, ev 6 ünvanında yerləşən hündürmərtəbəli binanın liftində texniki nasazlıq səbəbindən əyləcin tutmamasına görə liftin qəflətən bir mərtəbədən sürətlə digər mərtəbəyə düşməsi nəticəsində 1974-cü il təvəllüdlü Zəhra Məmmədovanın ayağından xəsarət alaraq xəstəxanaya yerləşdirilməsi müəyyən edilib.
Hazırda faktla bağlı Nərimanov rayon prokurorluğunda araşdırma aparılır.
***
Saat 22:43
Bakıda Nərimanov rayonu İzəddin Həsənoğlu küçəsində liftin qırılması nəticəsində bir nəfər xəsarət alıb.
Bu barədə TƏBİB-in İctimaiyyətlə əlaqələr və tədbirlər şöbəsinin müdiri Zamirə Ədilova APA-nın sorğusuna cavab olaraq bildirib.
Onun sözlərinə görə, xəsaraət alan 48 yaşlı Zəhra Həsənova topuğun travması diaqnozu ilə özəl xəstəxanalardan birinə yerləşdirilib.
Daxili işlər Nazirliyinin mətbuat xidməti faktı APA-ya təsdiq edib.
Nazirlikdən bildirilib ki, hadisə nəticəsində ölən yoxdur.
***
Saat 22:32
Bakıda yeni tikilən binalardan birində lift qırılıb.
APA xəbər verir ki, hadisə Nəriman Nərimanov rayonu İzəddin Həsənoğlu küçəsindəki binalardan birində baş verib.
Sosial şəbəkələrdə bununla bağlı video paylaşılıb.