Bakının Qaradağ rayonunda yol-nəqliyyat hadisəsi baş verib.
APA xəbər verir ki, hadisə Xocəsən qəsəbəsində qeydə alınıb.
Belə ki, 2001-ci il təvəllüdlü Cavadov Fərid Ariz oğlu yolu keçərkən onu hələlik naməlum markalı avtomobil vurub. Yaralı baş nahiyyəsindən ağır xəsarət alaraq xəstəxanaya yerləşdirilib.
Daxili İşlər Nazirliyinin mətbuat xidmətindən APA-nın sorğusuna cavab olaraq bildirilib ki, yol-nəqliyyat hadisəsi barədə hazırda araşdırma aparılır. Hadisəni törədən sürücünün axtarışı aparılır.
Kliniki Tibbi Mərkəzin neyrocərrahiyə şöbəsinin növbətçi həkimi Elşən Əhmədli bildirib ki, F.Cavadov xəstəxanaya qapalı kəllə-beyin travması, baş-beyin silkələnməsi, sağ alın təpə nahiyyəsinin və sağ qaşüstü nahiyyəsinin əzilmiş-cırılmış yaraları diaqnozu ilə qəbul edilib.
Ona tibbi yardım göstərilib.
Hazırda vəziyyəti orta ağır kimi qiymətləndirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
