Ələt-Astara magistralında bu gün baş verən qəzada ölənlərin sayı 2-yə çatıb.
APA-nın yerli bürosu xəbər verir ki, kəllə-beyin travması ilə xəstəxanaya yerləşdirliən Mayis Rəcəbli xəstəxanada ölüb.
Qəza nəticəsində müxtəlif dərəcəli xəsarət alan Cəlilabad rayon sakini, 1970-ci il təvəllüdlü Abışova Ceyran Nurulla qızı, Masallı rayon sakini, 1966-cı il təvəllüdlü Səbziyev Eynəli Məhərrəm oğlu, Sumqayıt sakini, 1970-ci il təvəllüdlü Validə Nəcəfova və Cəlilabad sakini, 1964-cü il təvəllüdlü Sara Qasımova Salyan Mərkəzi Rayon Xəstəxanasına yerləşdirilib.
***
10.03
Fövqəladə Hallar Nazirliyi (FHN) Ələt-Astara magistralında baş verən qəza ilə bağlı məlumat yayıb.
APA-nın nazirliyin saytına istinadən verdiyi xəbərə görə, "112" qaynar telefon xəttinə Salyan rayonunda (Ələt-Astara magistral avtomobil yolunun 72-ci kilometrliyi) “Mercedes” markalı mikroavtobusun “KamAZ” markalı yük avtomobilinə çırpılması barədə məlumat daxil olub.
Hadisə yerinə cəlb olunan FHN-nin Muğan Regional Mərkəzinin xilasetmə qüvvələri müxtəlif xəsarətlər alaraq sıxılı vəziyyətdə qalan 1 nəfər sərnişini deformasiyaya uğrayan mikroavtobusdan çıxararaq aidiyyəti üzrə təhvil veriblər.
***
08.27
Ələt-Astara magistralında ölümlə nəticələnən qəza baş verib.
APA-nın Mil-Muğan bürosunun məlumatına görə, hadisə Ələt-Astara magistralının Salyan rayonunun Şorsulu kəndinin ərazisindən keçən hissəsində qeydə alınıb.
99 JT 145 dövlət nömrə nişanlı mikroavtobus “KamAZ” markalı 42 BT 295 dövlət nömrə nişanlı avtomobilə çırpılıb. Nəticədə 1 nəfər hadisə yerində ölüb, 5 nəfər xəsarət alıb. Onlardan 2-si kişi, 3-ü qadındır.
Yaralılar Salyan rayon xəstəxanasına yerləşdirilib. Hadisə yerinə FHN-in Salyan rayon yanğından mühafizə xidmətinin xilasediciləri cəlb olunub. Avtomobildə sıxılıb qalmış sərnişini xüsusi avadanlığın köməyi ilə avtomobildən çıxararaq aidiyyəti üzrə təhvil veriblər.
Faktla bağlı BDYP tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
