Göyçay rayonunda yol-nəqliyyat hadisəsi baş verib.
APA-nın yerli bürosunun xəbərinə görə, ötən gecə "VAZ-21011" markalı minik avtomobili Göyçay-Bərgüşad yolunun Cəyirli kəndi ərazisində hərəkətdə olarkən sürücü idarəetməni itirib, maşın yoldan çıxaraq ağaca çırpılıb. Hadisə zamanı rayonun Qaraxıdır kənd sakinləri, 1968-ci il təvəllüdlü Abdullayev Fərman Mehman oğlu və 2010-cu il təvəllüdlü Abdullayev Əlvan Fərman oglu xəsarət alıb. Yaralılar Göyçay rayon Mərkəzi Xəstəxanasının cərrahiyə şöbəsinə yerləşdirilib.
Faktla bağlı Göyçay rayon Polis Şöbəsi tərəfindən araşdırma aparılır.