Göyçayda avtomobil piyadanı vuraraq öldürüb

Göyçayda avtomobil piyadanı vuraraq öldürüb
# 08 yanvar 2022 15:59 (UTC +04:00)

Göyçay rayonunda ölümlə nəticələnən yol-nəqliyyat hadisəsi baş verib.

APA-nın yerli bürosunun xəbərinə görə, hadisə bu gün Göyçay şəhərinin Ü.Hacıbəyov küçəsində qeydə alınıb. Rayon sakini Tərlan Nuriyev "Ford Tranzit" markalı minik avtomobili ilə hərəkətdə olarkən yolu keçən piyadanı, 1957-ci il təvəllüdlü Qasımov Zabit Məmmədhüseyn oğlunu vurub. Xəsarət alan şəxs Göyçay rayon Mərkəzi Xəstəxanasına aparılıb. Həkimlərin səyinə baxmayaraq Zabit Qasımov xəstəxanada dünyasını dəyişib. Hadisə yerindən gedən avtomobilin sürücüsü polis əməkdaşları tərəfindən saxlanılıb.
Faktla bağlı Göyçay rayon Polis Şöbəsi tərəfindən araşdırma aparılır.

#
#

ƏMƏLİYYAT İCRA OLUNUR