Lənkəranda ağır yol qəzası baş verib.
APA-nın cənub bürosu xəbər verir ki, hadisə Lənkəran-Astara yolunun rayonun Vel kəndindən keçən hissəsində qeydə alınıb.
“VAZ-2107” markalı avtomobilin idarəetmədən çıxaraq yol kənarındakı daş hasara çırpılması nəticəsində üç nəfər xəsarət alıb. Onlar təcili yardımla Lənkəran Rayon Mərkəzi Xəstəxanasına çatdırılıb. Xəsarət alanlardan ikisinin - sürücü, 1999-cu il təvəllüdlü Fariz Ramiz oğlu Əliyev və onun sərnişini, 2000-il təvəllüdlü Ruslan Natiq oğlu Hüseynzadənin orada öldüyü bildirilir. Ağır yaralanan digər sərnişin isə 1990-cı il təvəllüdlü Tərlan İslam oğlu Rəhimovdur.
Məlumata görə, qəzaya düşənlər Lənkəran rayonu Səpnəkəran kənd sakinləridir.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
