Yanğın gecə saatlarında Lənkəran rayonunun Vilvan kəndində yerləşən binada qeydə alınıb.
APA-nın cənub bürosunun verdiyi xəbərə görə, ümumi sahəsi 200 kvadratmetr olan birmərtəbəli binanın 50 kvadratmetr sahədə yanar konstruksiyaları və dam örtüyü yanıb. Hadisə yerinə FHN-nin Cənub Regional Mərkəzinin Lənkəran Yanğından Mühafizə Hissəsinin 2 yanğınsöndürən maşını və şəxsi heyəti cəlb olunub. Yanğınsöndürənlərin səyi nəticəsində yanğın lokallaşdırılıb. Yanğın yanğından mühafizə bölmələri tərəfindən söndürülüb. Yanğın nəticəsində xəsarət alan olmayıb.
Qeyd edək ki, keçən əsrin 70-ci illərində tikilmiş bina 7 otaqdan və 1 dəhlizdən ibarətdir. Burada fəaliyyət göstərən bələdiyyə bir müddət əvvəl yeni binaya köçürülüb.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
