Oğuzda iki avtomobil toqquşub, iki nəfər xəsarət alıb.
APA-nın Şimal-qərb bürosunun məlumatına görə, hadisə gönorta saatlarında Oğuz şəhər ərazisində baş verib.
“VAZ-2107” və “Kia” markalı avtomobillər toqquşub. Qəza zamanı "VAZ-2107" markalı avtomobildə olan iki nəfər xəsarət alıb. Yaralılar Oğuz Rayon Mərkəzi Xəstəxanasına yerləşdiriliblər. Hazırda yaralıların müayinəsi aparılır, şəxsiyyətləri dəqiqləşdirilir.
Faktla bağlı Oğuz rayon Polis Şöbəsində araşdırma aparılır.