Şəkidə ölüm hadisəsi baş verib.
APA-nın məlumatına görə, gecə saatlarında Şəki şəhər, Turan qəsəbə sakini, 1969-cu il təvəllüdlü Elçin Məmmədovun səhhətində problemlər yaranıb. Qardaşı Mehdi Məmmədov onu Şəki şəhər Mərkəzi Xəstəxanasına apararkən Elçin Məmmədov yolda ölüb.
Aparılmış ilkin araşdırmalar zamanı məlum olub ki, E.Məmmədov uzun müddət içki aludəçisi olub.
İlkin ehtimala görə, onun ürək çatışmazlığından vəfat etdiyi bildirilir.
Faktla bağlı Şəki rayon Prokurorluğu tərəfindən müvafiq araşdırma aparılır.