Sumqayıt sənaye parkı ərazisində baş verən yanğının söndürülməsi işləri davam etdirilir.
APA xəbər verir ki, bunu Fövqəladə Hallar naziri general-polkovnik Kəmaləddin Heydərov deyib.
Nazir bildirib ki, hazırda yanğının davam edən hissəsində söndürmə və soyutma işləri aparılır: "Közərmə səhərədək davam edəcəyi üçün növbətçi avtomobillər hadisə yerində qalacaq. Ehtimal ki, 1 saata yanğın söndürüləcək. Kəmaləddin Heydərov yanğında heç bir ekoloji fəlakət yaranmadığını qeyd edib: "Bizim və Ekologiya və Təbii Sərvətlər Nazirliyinin laboratoriyası cihazlarla birgə araşdırma aparıb. Heç bir ciddi zəhərlənmə və heç bir ciddi ekoloji zərər yoxdur.
Yanğın başlayandan 1 saat sonra zavodun və yaxınlıqdakı müəssisələrin işçiləri Sumqayıt polis idarəsinin əməkdaşları və mülki müdafiə qoşunları tərəfindən evakuasiya olunub. Yaxında evakuasiya olunmalı yaşayış məntəqəsi yoxdur".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
