Bakıda tanınmış ginekoloqun intiharı ilə bağlı cinayət işi açılıb.
Bu barədə APA-ya Baş Prokurorluğun Mətbuat xidmətindən bildirilib.
Məlumata görə, iyunun 27-də saat 17 radələrində 1984-cü il təvəllüdlü Xalidə Kəngərlinin paytaxtın Yasamal rayonu ərazisində yerləşən binanın 10-cu mərtəbəsində yaşadığı mənzilin eyvanından özünü ataraq öldürməsi faktı ilə bağlı Yasamal rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
***
12.05
Bakıda tanınmış həkim intihar edib.
APA xəbər verir ki, ötən gün tanınmış ginekoloq-həkim Xalidə Kəngərli özünü Yasamal rayonunda yaşadığı çoxmərtəbəli binadan atıb. O, aldığı xəsarətlərdən hadisə yerində ölüb.
Baş Prokurorluğun mətbuat xidmətindən APA-ya faktı təsdiq ediblər. Bildirilib ki, faktla bağlı Yasamal Rayon Prokurorluğunda araşdırma aparılır.