Daxili İşlər Nazirliyi (DİN) Tovuzda baş verən qəza ilə bağlı məlumat yayıb.
DİN-in Mətbuat Xidmətinin Gəncə regional qrupunun baş inspektoru, Eşqin Qasımov APA-ya bildirib ki, hadisəsi nəticəsində bir nəfər ölüb, 2 nəfər xəsarət alıb.
Onun sözlərinə görə, qəza ilə bağlı ərazidə nəqliyyatın hərəkətindəki sıxlıq aradan qaldırılıb.
Araşdırmalar nəticəsində məlum olub ki, “VAZ-2107” markalı avtomobil “Mercedes” markalı mikroavtobusla toqquşub.
Hadisə nəticəsində avtomobildə olan sərnişin, Bayramlı kənd sakini 1976-cı il təvəllüdlü Alıyev Asif Mansur oğlu ölüb.
2001-ci il təvəllüdlü Alıyev Mansur Asif oğlu və həmkəndlisi, 1981-ci il təvəllüdlü İsgəndərov Bayram Mahir oğlu isə müxtəlif dərəcəli bədən xəsarətləri alıblar.
DİN rəsmisinin sözlərinə görə, mikroavtobusda sərnişin olmayıb və sürücüsü xəsarət almayıb.
***
Saat 08:00
Tovuzda ölümlə nəticələnən ağır yol qəzası baş verib.
APA-nın yerli bürosunun məlumatına görə, hadisə rayonun Bazar adlanan ərazisinin yaxınlığında qeydə alınıb.
Hərəkətdə olan iki avtomobil toqquşub.
Qəza zamanı 1 nəfər ölüb 2 nəfər xəsarət alıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
