Hərbi

Ana səhifə

Hərbi

Azərbaycanla Türkiyə şirkəti arasında “Turna” hədəf təyyarələrinin alqı-satqısına dair müqavilə imzalanması gözlənilir

16 noyabr 2010 08:42 (UTC +04:00)

Bakı. Rəşad Süleymanov – APA. Yaxın vaxtlarda Azərbaycanla Türkiyənin TAİ (Turkish Aerospace İndustries) şirkəti arasında “Turna” hədəf təyyarələrinin (drone) alqı-satqısına dair danışıqların yekunlaşması və müqavilə bağlanması gözlənilir. Bu barədə APA-ya hərbi mənbələrdən məlumat verilib.

Artıq Azərbaycan tərəfi bu uçan vasitələrin taktiki-texniki göstəriciləri ilə tanış olub və müsbət rəy verilib. Azərbaycanın TAİ-dən alacağı hədəf təyyarələrinin sayı barədə məlumat verilmir.

“Bu hədəf təyyarələri TAİ-nin özəl məhsuludur. Hazırda Türkiyə Silahlı Qüvvələri tərəfindən istifadə olunur”, - deyə Türkiyə müdafiə sənayesi katibinin müavini İsmail Tohumçu APA-ya bildirib. İ. Tohumçu Azərbaycandan sonra Qazaxıstanın da bu təyyarələrə maraq göstərdiyini və alqı-satqısı üçün müzakirələrə başlanıldığını açıqlayıb.