Hazırda hərbi hissələrdə humanitar minaaxtarma və döyüş ərazilərinin təmizlənməsi, ümumilikdə beynəlxalq minaaxtarma əməliyyatlarının öyrədilməsi həyata keçirilir.
APA-nın Ağdama ezam olunan müxbiri xəbər verir ki, bu sözləri ANAMA-ın Əməliyyat idarəsi, təlim və metodoloji təminat şöbəsinin baş mütəxəssisi Musa Məmmədov deyib.
O bildirib ki, ərazidə müharibədən sonrakı dövrdə beynəlxalq minaaxtarma əməliyyatları geniş vüsət alıb: “Bütün bu işlə məşğul olan təşkilatların eyni bir qayda ilə işləməsi lazımdır. Çünki sonda əhalimiz bu ərazilərdə rahatlıqla məskunlaşa bilsinlər. ANAMA-da bu səbəbdən üzərinə düşən vəzifələri yerinə yetirməyə çalışır. ANAMA beynəlxalq minaaxtarma işində ən təcrübəli təşkilatdır. Bu sahədə digər təşkilatlara da təcrübə mübadiləsini də həyata keçirir. Bu səbəbdən təlimlər təşkil edilir. ANAMA-da buna görə təlim heyəti genişlənir, həm də təlim üçün vəsaitlər çoxaldılır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
