Rusiyanın məşhur aktyoru Mixail Yefremov 8 il müddətinə azadlıqdan məhrum edilib.
APA-nın Moskva müxbirinin verdiyi məlumata görə, bu ilin iyun ayında paytaxtın “Sadovoe koltso” ərazisində avtomobili ilə insan ölümünə səbəb olan yol-nəqliyyat hadisəsi törətməkdə təqsirli bilinən aktyor Mixail Yefremovun cinayət işi üzrə məhkəmə prosesi başa çatıb.
Moskvanın Presnenskiy Rayon Məhkəməsi alkoqollu vəziyyətdə sükan arxasına keçən və insan tələfatı ilə nəticələnən yol-nəqliyyat hadisəsi törədən məşhur aktyor barəsində hökm çıxarıb. Hökmə əsasən, M. Yefremov cəzasını ümumi rejimli cəzaçəkmə müəssisəsində çəkməklə 8 il müddətinə azadlıqdan məhrum edilib .
Yefremov məhkəmə prosesi zamanı günahını etiraf etməyərək, qəza zamanı sükan arxasında olmadığını bildirib. Məhkəmə onun barəsində hökm çıxararkən aktyorun günahını etiraf etməyini də vurğulayıb.
M. Yefermovun vəkili azərbaycanlı Elman Paşayev olub. Paşayev məhkəmə prosesi müddətində aktyorun sükan arxasında olmaması barədə dəfələrlə vəsatət qaldırsa və şahidin olduğunu bildirsə də, məhkəmə vəkilin vəsatətini təmin etməyib.
Qeyd edək ki, hadisə iyunun 8-də Moskvada baş verib. M. Yefremovun idarə etdiyi "Jeep Grand Cherokee” markalı avtomobil qarşı zolağa çıxaraq “Lada” markalı avtomobillə toqquşub. Nəticədə “Lada”nın sürücüsü kəllə-beyin travması alaraq vəfat edib. Ekspertiza aktyorun sərxoş olduğunu müəyyənləşdirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
