Azərbaycan beynəlxalq dram əsərləri festivalında təmsil olunacaq

Azərbaycan beynəlxalq dram əsərləri festivalında təmsil olunacaq
  • Clock-gray 14:51
  • calendar-gray 25 Aprel 2018

Almaniyanın Höte adına İnstitutu tərəfindən “Next Stage Europe 2018” festivalı keçiriləcək.

 

APA-nın məlumatına görə, 13-17 iyun tarixlərində Almaniyanın Potsdam şəhərində təşkil olunacaq festivalda Azərbaycan, Belarusiya, Gürcüstan, Ukrayna, Rusiya və Ermənistandan olan 12 gənc dramaturq iştirak edəcək. Azərbaycanı festivalda yazıçı-publisist Ülviyyə Heydərova təmsil edəcək. O, bu festivala “Uşaqlıq” adlı monopyesi ilə qatılacaq.

 

Festival iştirakçılarının dram əsərləri Höte adına İnstitutun xüsusi təyin etdiyi münsiflər heyəti tərəfindən seçilib. Festival çərçivəsində müəlliflərin əsərləri müzakirə olunacaq, alman aktyorları tərəfindən ifa ediləcək, bəzi əsərlər isə səhnələşdiriləcək. Festivalda məşhur alman ssenaristləri Pol Brodovski, Mişel Dekar, Yonas Lyüşer və b. seminarları keçiriləcək. Festivalın məqsədi gənc dramaturqları Almaniyada tanıtmaq, qonaqları Almaniyadakı beynəlxalq ədəbi mənzərə ilə tanış etməkdir.    

Cavid Zeynallı

Digər xəbərlər

Arxiv

date