Aşıq Ələsgərin abidə müsabiqəsi ilə bağlı layihələr baxış prosesindədir.
Bu barədə Mədəniyyət Nazirliyindən APA-nın sorğusuna cavab olaraq bildirilib.
Qeyd olunub ki, layihələrə Ekspert Komissiyası baxır:
"Nazirliyin Ekspert Komissiyası tərəfindən təqdim olunmuş eskiz-layihələrə baxılır. Yalnız bundan sonra qalib müəyyənləşdiriləcək".
Xatırladaq ki, Aşıq Ələsgərin Bakı şəhərində ucaldılacaq abidəsi ilə bağlı Mədəniyyət Nazirliyi tərəfindən elan edilmiş müsabiqə iyunun 30-da yekunlaşıb.