Türkiyəli tanınmış aktrisa Fatma Girik 79 yaşında vəfat edib.
APA-nın NTV telekanalına istinadən verdiyi xəbərə görə, o, İstanbulda xəstəxanada dünyasını dəyişib.
79 yaşlı aktrisa bir müddət əvvəl döş xəstəlikləri infeksiyası ilə xəstəxanaya yerləşdirilmişdi.
Xəstəxanadan verilən məlumatda onun COVID-19-la bağlı yaranan çoxlu orqan çatışmazlığından vəfat etdiyi vurğulanıb.
F.Girik 12 dekabr 1942-ci ildə İstanbulda anadan olub. İlk dəfə 1957-ci ildə “Leke” filmində baş rolu canlandıran aktrisa, 1960-cı çəkildiyi "Ölüm Peşimizdə" filmi ilə daha da məşhurlaşıb. O, ümumilikdə 180-dən çox filmdə rol alıb.
Həyatının sonrakı illərində siyasətə də qədəm qoyan aktrisa 1989-1994-cü illərdə bələdiyyə başçısı kimi də çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
