Azərbaycan 2020-ci ildə Rusiya vətəndaşlarının uçuş istiqaməti üzrə ən populyar 10 ölkə arasında qərarlaşıb.
“APA-Economics”in “Tutu.ru”ya istinadən verdiyi məlumata görə, bu barədə Səyahət Xidməti Analitik Mərkəzinın açıqlamasında deyilir.
Qeyd olunur ki, bu il Azərbaycana uçuş üçün olan qəbzin orta qiyməti ötən ilə nisbətən 8% artıb (11 507 rubla qədər – 261,54 manat).
Cari ildə rusiyalıların Azərbaycanın sərnişin dövriyyəsindəki payı 5% təşkil edib.
Ölkələr üzrə ilk 10-u əsasən qonşu ölkələr təmsil edir: Özbəkistan, Qırğızıstan, Moldova, Azərbaycan, Qazaxıstan, Belarus, Ermənistan, Tacikistan. Almaniya və Türkiyə də ilk 10-a daxil olub.
2020-ci ildə ən populyar 10 xarici istiqamətə daxil olan Moskva-Bakı reysi 9-cu yerdə qərarlaşıb. Azərbaycana bir tərəfə uçuş qəbzinin orta qiyməti ötən ilə nisbətən 25%, sərnişin axını isə 2% artıb.