Azərbaycanın nəqliyyat, rabitə və yüksək texnologiyalar naziri Rəşad Nəbiyev Türkiyəyə səfər edib. O, səfər çərçivəsində Türkiyənin nəqliyyat və infrastruktur naziri Adil Karaismailoğlu ilə görüş keçirib.
"APA-Economics" xəbər verir ki, bu barədə R. Nəbiyev "Facebook" hesabında yazıb.
Nazir bildirib ki, görüşdə tranzit və nəqliyyat, kibertəhlükəsizlik və rabitə sahələrində qarşılıqlı maraq doğuran məsələləri müzakirə edilib.
“Qardaş Türkiyə ilə əməkdaşlığımızın daha da genişlənəcəyinə ümid edirəm”, - deyə R. Nəbiyev qeyd edib.
Nazir həmçinin Türkiyənin sənaye və texnologiya naziri Mustafa Varankla görüşüb. Görüşdə İKT və innovasiyalar üzrə əməkdaşlıq barədə fikir mübadiləsi aparılıb.
Nazir qeyd edib ki, layihələrin həyata keçirilməsi və Türkiyənin uğurlu təcrübəsinin Azərbaycanda tətbiq edilməsi barədə razılıq əldə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
