"Azəriqaz" hava şəraiti ilə əlaqədar gücləndirilmiş rejimdə işləyəcək

"Azəriqaz" hava şəraiti ilə əlaqədar gücləndirilmiş rejimdə işləyəcək
  • Clock-gray 16:21
  • calendar-gray 18 Yanvar 2021

Bakı və Abşeron yarımadasında yanvarın 19-u axşamdan başlayaraq 21-i axşamadək hava şəraitinin dəyişəcəyini nəzərə alaraq, “Azəriqaz” İstehsalat Birliyi qeyd edilən günlərdə gücləndirilmiş iş rejimində çalışacaq.

İB-dən “APA-Economics”ə verilən məlumata görə, birliyin bütün müvafiq strukturlarına artıq lazımi tapşırıqlar verilib. Əsasən təbii qazın təlabata uyğun düzgün rejimlərdə paylanılması diqqətdə saxlanılacaq.

Bildiririk ki, qaz təchizatında vacib təmir prosesləri də bu günlərdə təxirə salınıb. Yalnız qəza halları baş verdiyi zaman abonentlərin qazsız qalmaması üçün qısamüddətli dayandırmalar istisna edilmir. Belə halların aradan qaldırılması məqsədilə növbəlilik tətbiq edilməklə Birliyin aidiyyatı strukturlarında müəyyən sayda əməkdaşlar iş başında olacaq. “Azəriqaz” İstehsalat Birliyinin Təmir-Tikinti İdarəsinin Qəza təmir bərpa sahəsi, “104 Çağrı” sahəsinin əməkdaşları sutkanın 24 saatı ərzində abonentlərin xidmətində olacaq. Bakı şəhəri və ətraf ərazilərdə baş verəcək qəzalar, qaz sızmaları, qaz sayğacları ilə bağlı nasazlıqlar operativ şəkildə aradan qaldırılacaq.

Abonentlərin nəzərinə çatdırırıq ki, qaz təchizatında yarana biləcək istənilən çətinliklərlə bağlı dərhal 104/185 saylı Çağrı Mərkəzinə məlumat versinlər. Bundan başqa (+99477) 3 104 104 saylı daim aktiv rejimdə çalışan "Whatsapp" nömrəsinə, sosial şəbəkə ünvanlarımıza mesajlarını göndərə bilərlər.

Hüseyn Vəliyev

Digər xəbərlər