"Bakı Telefon Rabitəsi" MMC (Baktelecom) GPON (Gigabit Passive Optical Network – Gigabit tutumlu Passiv Optik Şəbəkə) layihəsinin davam edilməsini və mövcud şəbəkənin baxım işlərinin görülməsini təmin etmək məqsədilə tələb olunan mal-materialların satın alınmasına dair keçirilən tenderin qalibini müəyyənləşdirib.
"APA-Economics"in "Elektron satınalma" portalına istinadən verdiyi məlumata görə, tender komissiyasının qərarına əsasən, "Baktelecom"un elan etdiyi tenderin qalibi "Touchess" şirkəti seçilib. Şirkətlə ümumi dəyəri 944 mln. manatdan çox təşkil edən müqavilə imzalanıb.