Elektron dövlət (e-dövlət) mühitində vətəndaşlara məxsus məlumatların çoxməqsədli intellektual analizi metodları işlənilib.
AMEA İnformasiya Texnologiyaları İnstitutundan "APA-Economics"ə verilən məlumata görə, əsas məqsəd sosial şəbəkə və mətnlərin intellektual analizi texnologiyalarının köməyi ilə e-dövlətin araşdırılması, bu mühitdə səmərəli qərarların qəbulunu dəstəkləyən sistemlər üçün yeni yanaşmalar, metod və alqoritmlərin təklif edilməsidir.
E-dövlətin analizi texnologiyalarının müasir vəziyyətinin analizi və problemlərin müəyyən olunması, e-dövlətdə terrorizmi təbliğ edən mətnlərin təsnifatı və filtrasiyası üçün metodların işlənməsi, e-dövlətdə gizli sosial şəbəkələrin aşkarlanması və analizi üçün metodun işlənməsi qoyulan əsas elmi-nəzəri və praktiki məsələlərdir.
E-dövlətin analizində sosial şəbəkə və mətnlərin intellektual analizi texnologiyalarının rolu araşdırılıb, o cümlədən e-dövlətə qoyulan tələblər və onun inkişafına yanaşmalar, e-dövlətin inkişafı və analizinin əsas problemləri müəyyən olunub. E-dövlətdə terrorizmlə əlaqəli məqalələrin aşkarlanması üçün hibrid təsnifatlandırma metodu, o cümlədən e-dövlətdə terrorizmlə əlaqəli məqalələrin aşkarlanması üçün hibrid təsnifatlandırma metodu işlənilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
