AZAL Çinə çarter reysləri ilə bağlı üçillik razılaşma imzalayıb

AZAL Çinə çarter reysləri ilə bağlı üçillik razılaşma imzalayıb
  • Clock-gray 17:53
  • calendar-gray 02 Sentyabr 2019

Azərbaycanın milli aviadaşıyıcısı AZAL və Çinin aparıcı turizm şirkəti “HCG International Travel Group” bu gün Bakı-Pekin-Bakı marşrutu üzrə çarter sərnişin reyslərinin yerinə yetirilməsinə dair üçillik müqavilə imzalanıb.

APA-Economics”ə AZAL-dan verilən məlumata əsasən, sənəd AZAL sərnişin aviaşirkətinin direktoru Cəmil Mənizadə və “HCG International Travel Group”un direktoru He Yong tərəfindən imzalanmışdır.

AZAL və “HCG International Travel Group”arasında uzunmüddətli tərəfdaşlıq şirkətlər arasında bu ilin mart ayından etibarən həyata keçirilən uğurlu əməkdaşlığın nəticəsində əldə edilib.

Tərəflər həmçinin 2020-ci ildə Azərbaycandan Çinə yeni istiqamətlərin açılmasını müzakirə edilib.

"Aparıcı turizm agentliyi olan “HCG International Travel Group” Çinə müntəzəm uçuşlarımızın yerinə yetirilməsində özünü etibarlı tərəfdaş kimi sübut etmişdir. Bu uçuşa daimi tələbatın olması Azərbaycanın artan turizm potensialını, habelə Bakının Heydər Əliyev Beynəlxalq Aeroportunun rahat tranzit yolu olmasını vurğulayır", – Cəmil Mənizadə qeyd etdib.

“HCG International Travel Group”ın rəhbəri He Yong öz növbəsində vurğulayıb: “Çox şadıq ki, Azərbaycanın milli aviadaşıyıcısı ilə şirkətimiz arasında belə bir strateji saziş bağlamağa nail olduq. AZAL həmişə yüksək səviyyəli xidməti ilə fərqlənmişdir, paytaxtın hava limanı isə Avropa ilə Asiya arasında rahat əlaqələr planlaşdırmağa imkan yaradır".

Hazırda yay cədvəli çərçivəsində Bakı ilə Pekin arasında uçuşlar həftədə üç dəfə – çərşənbə axşamı, cümə və bazar günləri yerinə yetirilir. Oktyabrın 27-dən qış cədvəlinin qüvvəyə minməsi ilə uçuşlar həftədə iki dəfə – çərşənbə axşamı və bazar günləri həyata keçiriləcəkdir. Uçuşlar rahat, geniş füzelyajlı “Boeing 767-300ER“ təyyarələri vasitəsilə yerinə yetirilir.

Emil İsmayılov

Digər xəbərlər

Arxiv

date