Naxçıvan Muxtar Respublikasında ümumi daxili məhsulun tərkibində sənaye sahəsi birinci yerdədir.
APA-nın Naxçıvan bürosu xəbər verir ki, bu barədə Naxçıvan Muxtar Respublikası Dövlət Statistika Komitəsi məlumat yayıb.
Sənaye üzrə 2022-ci ilin yanvar-noyabr aylarında 1 milyard 26 milyon 196 min 200 manat dəyərində məhsul istehsal edilib ki, bu da 2021-ci ilin müvafiq dövrü ilə müqayisədə 2,3 faiz çoxdur.
Bununla yanaşı yerli müəssisələrin yaradılması muxtar respublikada idxal olunan məhsulların həcmini ildən-ilə azaldıb.
Hazırda 384 növdə məhsul istehsal olunur ki, bunun da 127-si ərzaq, 257-si isə qeyri-ərzaq məhsullarıdır.
Əhalinin 108-i ərzaq, 242-si qeyri-ərzaq olmaqla, 350 növdə məhsula olan tələbatı yerli imkanlar hesabına ödənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
