Azərbaycanda daxili intranet şəbəkəsi yaradılıb və ölkədə fəaliyyət göstərən provayderlərə bu şəbəkəyə qoşulmaq təklif olunur. Bunu “APA-Economics”ə telekommunikasiya sektorunda fəaliyyət göstərən etibarlı mənbə deyib.
Onun sözlərinə görə, intranet şəbəkənin əsas üstünlüyü ondan ibarətdir ki, qlobal internet şəbəkəsində yarana biləcək kəsinti zamanı, lokal şəbəkə ölkə daxili məlumat mübadiləsinin dayanıqlığını təmin edəcək.
“Burada söhbət əsasən istifadəçilər tərəfindən aparılan elektron ödənişlərdən gedir ki, onların dayanıqlığı məhz daxili intranet şəbəkəsi üzərindən təmin edilir. Yəni istifadəçi ödəniş apardığı zaman internet kəsilərsə, bu ödəniş əməliyyatına təsir etməyəcək”, - deyə mənbə qeyd edib.