“Hazırda tikilən dəmiryol xətti, avtomobil yolu, o cümlədən tikintisi bu ilin sentyabrında başa çatacaq Zəngilan Beynəlxalq Hava Limanı Zəngəzur dəhlizinin bir hissəsidir”.
APA xəbər verir ki, bunu Şərqi Zəngəzur iqtisadi rayonuna daxil olan Zəngilan rayonunda Azərbaycan Prezidentinin xüsusi nümayəndəsi Vahid Hacıyev jurnalistlərə açıqlamasında deyib.
Prezidentin xüsusi nümayəndəsi bildirib ki, dəmiryol xətti, avtomobil yolu və Zəngilan Beynəlxalq Hava Limanının tikinti sürətlə davam etdirilir: “Hazırda Zəngilanda infrastruktur layihələri, sosial layihələr, o cümlədən kənd təsərrüfatı ilə bağlı kifayət qədər layihələr həyata keçirilməkdədir. O cümlədən Zəngilanın digər kəndlərinin konsepsiyası və layihələri hazırlanır”.
Qeyd edək ki, Zəngilan rayonunda “ağıllı kənd” konsepsiyası əsasında yenidən salınmış Ağalı kəndinə əhalinin köçürülməsinin birinci mərhələsi Abşeron rayonunun Masazır kəndi ərazisində məcburi köçkünlər üçün salınmış yaşayış kompleksindən başlayıb. Bu gün 58 nəfərdən ibarət 10 ailə Ağalıya köçürülür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
