Xatırladaq ki, artıq bu ilin yanvar-sentyabr aylarında illik inflyasiya 21,5% təşkil edib, halbuki əvvəllər hökumət tərəfindən 13-14% səviyyəsində hazırlanmış ilkin proqnoz sonradan 18-20%-dək artırılıb. BVF isə hələ ilin birinci yarısında 2008-ci ildə Azərbaycanda inflyasiyanın 20%-dən az olmayacağını bildirmişdir. Məlumat üçün bildirək ki, hökumət 2009-cu ildə inflyasiyanın 12-14% səviyyəsində olacağını proqnozlaşdırır.
Bundan başqa, Fond digər mühüm makroiqtisadi göstərici - geniş mənada pul kütləsinin (M3 pul aqreqatı) də artacağını proqnozlaşdırır. Belə ki, 2008-ci ildə Azərbaycanda M3 aqreqatının 84%, 2009-cu ildə isə 40% artacağı gözlənilir:
| 2000-2004-cü illər (orta göstərici) | 2004-cü il | 2005-ci il | 2006-cı il | 2007-ci il | 2008-ci il (proqnoz) | 2009-cu il (proqnoz) |
İnflyasiya | 3,0% | 6,7% | 9,7% | 8,4% | 16,6% | 22,4% | 20,0% |
Pul kütləsinin artımı |
30,1% |
47,5% |
22,1% |
86,4% |
72,4% |
84,0% |
40,0% |
Qeyd edək ki, Azərbaycanda geniş mənada pul kütləsinin artımı cari ilin sentyabr ayının 1-nə illik ifadədə 64,5% təşkil edib.