Maliyyə

Ana səhifə

Maliyyə

Azərbaycandakı bankların nizamnamə kapitalı üzrə renkinqi

04 noyabr 2008 14:17 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən bank kredit təşkilatlarının 2008-ci ilin oktyabr ayının 1-nə müxtəlif maliyyə göstəriciləri üzrə renkinqlərinin hazırlanması layihəsi çərçivəsində «APA-Economics» bu dəfə bankların nizamnamə kapitalının həcminə görə sıralamasını təqdim edir.
Aşağıdakı cədvəldə ölkədəki bankların nizamnamə kapitalının 2008-ci il oktyabr ayının 1-nə olan həcmi barədə məlumat verilir:

(mln. AZN)

Banklar		Nizamnamə kapitalı
1	Azərbaycan Beynəlxalq Bankı	130,080
2	Paşa Bank	100,000
3	Xalg Bank	53,550
4	Bank Standard	50,000
5	Texnikabank	26,910
6	Kapital Bank	24,000
7	Bank Respublika	22,580
8	Nikoil Bank	22,500
9	Bank Avrasiya	20,000
10	AccessBank	20,000
11	Royal Bank of Baku	16,910
12	Birlik Bank	16,000
13	Turanbank	15,000
14	UniBank	15,000
15	AGBank	15,000
16	Bank of Azerbaijan	14,640
17	AtaBank	14,470
18	NBCBank	13,590
19	Azerdemiryolbank	13,400
20	Kredo Bank	13,040
21	Əmrahbank	12,820
22	Azərbaycan Sənaye Bankı	12,800
23	United Credit Bank	12,110
24	Muğan Bank	12,000
25	Zamin Bank	11,200
26	Günaybank	10,890
27	Atrabank	10,430
28	Azərbaycan Kredit Bankı	10,210
29	Azər-Türk Bank	10,000
30	Gəncəbank	10,000
31	Qafqaz İnkişaf Bankı	10,000
32	Melli İran Bankı Bakı	10,000
33	Deka Bank	9,590
34	Parabank	9,390
35	Debut Bank	8,750
36	Rabitabank	8,000
37	Bank of Baku	6,800
38	Yapı Kredi Bank Azerbaijan	6,350

* «AccsesBank» 2002-ci ilin oktyabr ayından Azərbaycan Mikromaliyyələşdirmə Bankı kimi fəaliyyət göstərir və bu ilin sentyabr ayında brendini dəyişdirib.

Cədvəldən göründüyü kimi, hazırda Azərbaycanda faktiki olaraq 45 bank kredit təşkilatı fəaliyyət göstərsə də, «APA-Economics»in renkinqində yalnız 38 bankın nizamnamə kapitalı əks olunub. Bu, digər bankların KİV-lə əməkdaşlıqdan imtina etməsi, maliyyə göstəricilərini təqdim etməməsi və digər subyektiv səbəblərlə bağlıdır.
Kapitallaşmanın səviyyəsinə gəldikdə isə, gözlənildiyi kimi, ilk yeri Azərbaycan və regionun ən iri bank təşkilatı olan Azərbaycan Beynəlxalq Bankı (ABB) tutub. Bu gün Azərbaycanda yalnız iki bankın - ABB və «Paşa Bank»ın nizamnamə kapitalının həcmi 100 mln. manat (123,640 mln. dollar) həddinə çatıb.
Cədvəldən göründüyü kimi, yalnız 4 bankın nizamnamə kapitalının həcmi 50 mln. manat həddini (61,82 mln. ABŞ dolları), daha 10 bankın kapitalı 20 mln. manat həddini (24,73 mln. ABŞ dolları) keçib. Yalnız 6 bankın göstəricisi 10 mln. manat səviyyəsindən aşağıdır.