Bu ilin noyabr ayında ABŞ-ın ticarət dövriyyəsinin mənfi saldosu tarixi rekord həddə – 97,8 mlrd. ABŞ dollarına çatıb.
"APA-Economics"in xarici mətbuata istinadən verdiyi məlumata görə, bu göstərici oktyabr ayı ilə müqayisədə 17,5% artıb. Sözügedən göstəricini nəzərə alaraq, bu il ABŞ-ın bütöv il üzrə rekord mənfi ticarət saldosunun olacağı gözlənilir.
Mənfi saldonun artmasının əsas səbəbi ABŞ-ın ötən ay artan idxalı olub – ölkənin noyabrdakı idxalının həcmi 4,7% artaraq 252,4 mlrd. dollar təşkil edib. Sənaye mallarının, avtomobillərin, istehlak mallarının və ərzağın idxalı kəskin artıb.
ABŞ-ın xaricə ixracı isə 154,7 mlrd. dollar təşkil edib ki, bu da aylıq müqayisədə 2,1% azdır. Qeyd edək ki, oktyabra qeydə alınan 157,4 mlrd. dollarlıq ixrac həcmi tarixi maksimum idi.
Beləliklə, noyabrda ABŞ-ın ümumi xarici ticarət dövriyyəsi 407,1 mlrd. dollara bərabər olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
