Bu ilin yanvar-iyun ayları üzrə xarici ticarət dövriyyəsi 24.8 mlrd. ABŞ dolları təşkil edib.
“APA-Economics” Mərkəzi Bankın hesabatına istinadən xəbər verir ki, neft-qaz sektoru üzrə 16.4 mlrd. dollar həcmində profisit qeyri-neft sektoru üzrə 3.4 mlrd. həcmində kəsiri bağlayıb.
Nəticədə hesabat dövründə xarici ticarət balansında 13 mlrd. həcmində profisit yaranıb. 2022-ci ilin 6 ayında Azərbaycanın dünyanın 167 ölkəsi ilə ticarət əlaqələri olub.
Xarici ticarətin 9.9%-i MDB üzvü olan ölkələrin, 90.1%-i isə digər xarici ölkələrin payına düşür.